Qaytarma Siyasəti

Saytda bağlanmış müqavilələr üzrə malların geri qaytarılması şərtləri

1. Ümumi müddəalar:

Bu Qaydalar www.alisveris.com onlayn ticarət platformasında satıcı və müştəri arasında bağlanmış satış müqavilələri əsasında malların geri qaytarılması, dəyişdirilməsi və geri ödənişlərin həyata keçirilməsi prosedurlarını tənzimləyir. Qaydalar Azərbaycan Respublikasının Mülki Məcəlləsinə, “İstehlakçıların hüquqlarının müdafiəsi haqqında” Qanuna və digər aidiyyəti normativ aktlara uyğun hazırlanmışdır.

2. Anlayışlar:

• "Sayt" – www.alisveris.com domenində fəaliyyət göstərən onlayn satış platforması;
• "Müştəri" – sayt vasitəsilə qeydiyyatdan keçmiş və məhsul sifariş etmiş fiziki və ya hüquqi şəxs;
• "Satıcı" – məhsullarını sayt üzərindən satışa çıxaran fiziki və ya hüquqi şəxs;
• "Qüsurlu mal" – istifadə üçün yararsız və ya texniki, funksional və ya vizual cəhətdən normaya uyğun olmayan mal.

3. Qaytarılma halları:

3.1. Qüsurlu malların qaytarılması:

• Müştəriyə yanlış məhsul göndərildikdə;
• Məhsulda istehsal və ya çatdırılma zamanı yaranmış fiziki qüsur olduqda;
• Müştəri bu halları məhsulu aldıqdan sonra 14 gün ərzində aşkar edərək yazılı şəkildə müraciət etdikdə;

Bu zaman məhsul orijinal vəziyyətdə, qablaşdırması, etiketi və sənədləri ilə birlikdə təqdim olunmalıdır.

3.2. Qüsursuz malların qaytarılması:

• Məhsul istifadəyə verilməmiş, qablaşdırması açılmamış, etiketi üzərində olduğu halda 14 gün ərzində geri qaytarıla bilər;
• Məhsulun xarici görünüşündə zədə, deformasiya və ya istifadə izləri olmamalıdır;
• Bu halda çatdırılma xərcləri müştəri tərəfindən qarşılanır.

4. Qaytarma proseduru:

• Müştəri saytın əlaqə bölməsi və ya e-poçt vasitəsilə yazılı müraciət göndərməlidir (support@alisveris.com);
• Müraciətdə sifariş nömrəsi, məhsulun adı, səbəb və vizual dəlillər (foto, video) qeyd edilməlidir;
• Qaytarma təsdiqləndikdən sonra mal saytın göstərişi ilə müəyyən ünvana geri göndərilməlidir;
• Göndəriş zamanı məhsul tam qorunmuş və orijinal vəziyyətdə, qablaşdırması, etiketi, bütün aksesuarları və ödəniş sənədləri ilə birlikdə təqdim olunmalıdır.

5. Yoxlama və təsdiq:

• Satıcı və ya Sayt administrasiyası geri göndərilən malı maksimum 5 iş günü ərzində yoxlayır;
• Əgər məhsul qaydalara uyğundursa, geri ödəmə və ya dəyişdirmə prosesi başlayır;
• Müştəriyə yazılı şəkildə təsdiq göndərilir.

6. Geri ödəmə:

• Qüsurlu məhsul hallarında ödəniş tam şəkildə və əlavə göndəriş xərcləri ilə birlikdə 14 iş günü ərzində geri qaytarılır;
• Qüsursuz məhsul hallarında yalnız məhsulun dəyəri geri qaytarılır, çatdırılma və geri göndəriş xərcləri müştəri tərəfindən ödənilir;
• Ödəniş ilkin istifadə edilən ödəniş üsulu ilə geri qaytarılır.

7. Dəyişdirmə şərtləri:

• Müştərinin istəyi ilə məhsul başqa ölçü, rəng və ya model ilə əvəz oluna bilər;
• Bu dəyişiklik stokda məhsul olduğu halda mümkündür;
• Əks halda geri ödəmə təklif olunur.

8. İstisnalar:

Azərbaycan Respublikasının qüvvədə olan qanunvericiliyinə uyğun olaraq bəzi məhsulların geri qaytarılması və ya dəyişdirilməsi qadağandır.

Bu məhsullar Azərbaycan Respublikası Nazirlər Kabinetinin 21 may 1998‑ci il tarixli 114‑ nömrəli Qərarı ilə təsdiq edilmiş “İstehlakçıların hüquqlarının müdafiəsi haqqında” Qanunun tətbiqi qaydalarına uyğun olaraq tənzimlənir.

Qaytarıla və dəyişdirilə bilməyən məhsullar:

• Azərbaycan Respublikası qanunvericiliyinə əsasən aşağıdakı məhsulların geri qaytarılması və ya dəyişdirilməsi həyata keçirilmir:
•  Qızıl və digər qiymətli metallardan, qiymətli və yarımqiymətli daşlardan hazırlanmış məmulatlar
• Parfümeriya və kosmetika məhsulları
• Kişi, qadın və uşaq çimərlik paltarları
• Körpələr və bağça yaşlı uşaqlar üçün alt geyimləri
• Şəxsi gigiyena əşyaları (diş fırçaları, daraqlar, biqudilər və s.)
• Corab və alt paltarları (istehsal qüsuru istisna olmaqla)
• Məişət-kimya məhsulları
• Uşaq oyuncaqları
• Plastik qablaşdırmada olan və ərzaqla təmasda istifadə olunan məhsullar
• Ərzaq məhsulları (yararlılıq müddəti daxilində mağazadan çıxarıldıqdan sonra)

9. Hüquqi əsas:

Bu Qaydalar aşağıdakı qanunvericilik aktlarına əsaslanır:

• Azərbaycan Respublikasının Mülki Məcəlləsi;
• “İstehlakçıların hüquqlarının müdafiəsi haqqında” Qanun;
• “Elektron ticarət haqqında” Qanun.

10. Əlaqə:

Qaytarma ilə bağlı sual və müraciətlərinizi aşağıdakı əlaqə vasitələri ilə bildirə bilərsiniz:

- E-mail: support@alisveris.com

- Telefon: +994 77 223 01 42

- Canlı dəstək: Həftəiçi 09:00–18:00