SATICI RAZILAŞMASI

1. Ümumi şərtlər

1.1.      Hazırkı Razılaşma Satıcıların https://alisveris.com/ vebsaytından istifadəsi şərtlərini müəyyən edir.

https://alisveris.com/ vebsaytı Satıcılara realizasiyası (satışı) və/və ya əldə edilməsi qanunla, hazırkı Razılaşma ilə və Vebsaytdan istifadənin başqa qaydaları ilə icazə verilmiş Mallar barəsində elanları yerləşdirmək imkanı verən alətdir.

1.2.      Bu Razılaşmanın məqsədləri üçün aşağıda göstərilən terminlər aşağıdakı mənada tətbiq olunur:

1.2.1.          Vebsayt  – İnternet şəbəkəsində https://alisveris.com/ ünvanında yerləşdirilmiş İnternet-resursu (sayt).

1.2.2.          Administrasiya — Azərbaycan Respublikasının qanunvericiliyinə uyğun olaraq qeydiyyatdan keçmiş və fəaliyyət göstərən, habelə Vebsayt üzərində bütün müstəsna mülkiyyət hüquqlarına sahib olan “---------” Məhdud Məsuliyyətli Cəmiyyəti (VÖEN: ----------), ünvanı: -----------.

1.2.3.          Satıcı — hazırkı Razılaşmanın şərtlərini qəbul etmiş və Vebsayt vasitəsilə ona məxsus olan məhsulların satışını həyata keçirən istənilən mülki hüquq fəaliyyət qabiliyyətli fiziki şəxs və ya hüquqi şəxs.

1.2.4.          Şəxsi kabinet (hesab) – Satıcının onu özü tərəfindən təyin edilmiş (yerləşdirilmiş) əhatə məlumatlarının və ayarlarının toplusudur. İstənilən Satıcı yalnız bir Şəxsi kabinetə sahib olma hüququna sahibdir.

1.2.5.          Satıcının fərdi məlumatları – Satıcı haqqında onun şəxsiyyətinin müəyyən edilməsinə imkan verən məlumatlardır və ya məlumatlar məcmusudur ki, Satıcı özü haqqında, Satıcının şəxsi məlumatları, Vebsaytdan istifadə prosesində Administrasiyaya avtomatik olaraq ötürülən informasiya, o cümlədən IP-ünvan, cookie-dən informasiya, Satıcının brauzeri haqqında və Satıcı haqqında başqa informasiyalar daxil olmaqla, qeydiyyat vaxtı sərbəst və ya Vebsaytdən istifadə prosesində təqdim edir.

1.2.6.          Materiallar – Satıcı və ya Administrasiya tərəfindən Vebsaytdə yerləşdirilmiş istənilən məlumat/kontent.

1.2.7.          Mal – məhsullar, işlər, xidmətlər, maddi-texniki resurslar, habelə digər maddi və qeyri-maddi obyektlər.

1.2.8.          Həmin Razılaşmanın Tərəfləri – Administrasiya və Satıcıdır.

1.2.9.        Sifarişçi – hazırkı Razılaşmada nəzərdə tutulmuş qaydada, Satıcının vebsayta satış məqsədilə yerləşdirdiyi Mal(lar) sifariş edən Vebsayt Satıcısı.

1.3.      Hazırkı Satıcı Razılaşmasında istifadə olunan və “Terminlər və təriflər" bəndində əksini tapmayan istənilən terminlər və təriflər Satıcı Razılaşmasının mətnindən irəli gələn mənaya uyğun olaraq təfsir olunacaqdır. Satıcı Razılaşmasında istifadə edilən terminə və ya tərifə şərhi dair hər hansı fikir ayrılığı yaranarsa, Administrasiya tərəfindən müəyyən edilən şərh tətbiq ediləcəkdir.

1.4.      Vebsayt xidmətlərindən və materiallarından istifadə edilmə qüvvədə olan qanunvericiliyin normaları, həmçinin də hazırkı Razılaşma ilə tənzimlənir.

1.5.      Hazırkı Razılaşma ictimai ofertadır.

  Bu Razılaşma aşağıdakılardan ibarətdir:

 1.5.1. bu şərtlər;

 1.5.2. bu Razılaşma ilə əlaqədar Vebsaytda yerləşdirilən digər şərtlər.

1.6.      Vebsaytın xidmətlərindən istifadə etməklə Satıcı hazırkı Razılaşmaya qoşulur (onu aksept edir) və Vebsaytın xidmətlərindən istifadə üzrə təlimatlara riayət etməsinə dair şərtləri və öhdəlikləri qəbul edir.

1.7.      Satıcı hazırkı Razılaşmanın şərtləriylə və ya ona edilmiş dəyişikliklərlə razılaşmadıqda, Vebsayta girişdən imtina etməli, Vebsaytın xidmətlərindən istifadəni dayandırmalıdır.

1.8. Satıcı qəbul edir ki, Vebsaytın bütün materialları və xidmətləri və ya onların istənilən hissəsi reklamla müşayiət oluna bilər. Satıcı onunla razıdır ki, Administrasiya hər hansı məsuliyyəti daşımır və belə reklamla əlaqədar hər hansı öhdəlikləri yoxdur. 

1.9.     Vebsaytda qeydiyyat könüllüdür. Administrasiya Satıcıdan onun qeydiyyat vaxtı göstərdiyi məlumatların təsdiqlənməsini və təsdiqləyici sənədləri istənilən vaxt tələb etmək hüququnu saxlayır.

1.10.     SMS-verifikasiya. Administrasiya istənilən vaxt Satıcını SMS-verifikasiya vasitəsilə verifikasiya edə bilər. Satıcı verifikasiyadan keçməzsə, Administrasiya elanların yerləşdirilməsi, redaktə edilməsi, yenilənməsi və s. bu kimi Vebsaytdan istifadə imkanlarını qadağan etmək və ya məhdudlaşdırmaq hüququna sahibdir. 

1.11.     Satıcı öz şifrəsinin gizliliyini saxlamağı öz öhdəsinə götürür və onun istifadəsi və təhlükəsizliyi ilə bağlı hərəkətlərə, eləcə də Satıcının Şəxsi kabinetində yerinə yetirilən hərəkətlərə görə məsuliyyət daşıyır. Satıcının öz Şəxsi kabinetinə icazəsiz girişdən şübhələnməyə dair əsası varsa, öz şifrəsini sərbəst şəkildə dəyişməyi öz öhdəsinə götürür.

1.12.   Satıcı hazırkı Razılaşma üzrə öhdəliklərini pozarsa və ya digər şəxslərin hüquqları və ya qüvvədə olan qanunvericiliyin tələbləri Satıcı tərəfindən pozulduğu halda, habelə digər səbəblərdən Administrasiya öz mülahizəsinə görə Satıcının girişini məhdudlaşdırmaq və ya dayandırmaq hüququna sahibdir.

2. Vebsaytdən istifadə. Elanların yerləşdirilməsi

2.1.      Administrasiya Vebsaytda qeydiyyatdan keçmiş bütün Satıcılara Vebsaytda elan yerləşdirmək və bu vasitə ilə Malların satışını həyata keçirmək hüququ verir.

2.2. Satıcı Vebsayt vasitəsilə sifariş verilən Malları aşağıda qeyd olunan müddətlər ərzində Sifarişçiyə çatdırılması üçün kuryerə təqdim etməyi öhdəsinə götürür:

2.2.1. saat 13:00-dan əvvəl sifariş verilmiş Malların kuryerə təqdim edilməsi – 1 gün ərzində;

2.2.2. saat 13:00-dan sonra sifariş verilmiş Malların kuryerə təqdim edilməsi – 2 gün ərzində;

2.3.     Mallar üzrə bütün əqdlərdə Satıcı tam məsuliyyət daşıyır.

2.4.      Satıcıların şərhləri, ismarıcları, eləcə də onun Vebsaytdakı digər yazıları, elanların məzmunu, başqa resurslara istinadlar və elanların təsvirində göstərilmiş başqa informasiya qanunvericiliyin tələblərinə və ümumi qəbul edilmiş əxlaq və ədəb normalarına zidd olmamalıdır.

2.5.      Satıcının təqdim etdiyi elanın, məlumatların və informasiyanın dərc edilməsi hüququnun Administrasiya tərəfindən əldə edilməsi məqsədi ilə Satıcı məlumatların, təsvirlərin, fotoşəkillərin, video və audio materialların, məlumat bazalarının, dərclərin, eləcə də bütün məlum və ya naməlum məlumat daşıyıcıları vasitəsilə Satıcı tərəfindən təqdim edilmiş istənilən digər məlumatların hər yerdə qüvvədə olan, müddətsiz, geri götürülməyən, qeyri-müstəsna olaraq istifadəsi, yayılması, dərci, toplanması, emalı, nümayişi, surətinin çıxarılması, təkrarlanması, oynadılması üzrə hüququ Administrasiyaya verir. Yuxarıda sadalanan hüquqlar Administrasiyaya təmənnasız olaraq verilir.

2.6.      Satıcının Vebsaytda istənilən informasiyanı və məlumatları təqdim etməsi ilə əlaqədar üçüncü şəxslərin hüquqlarının pozulmasına görə Administrasiya məsuliyyət daşımır və belə hallara görə Satıcı birbaşa cavabdehdir.

2.7.      Vebsaytda Satıcı Administrasiyanın təlimatlarına uyğun olaraq elanları yerləşdirməyi və Mal və onun satılması şərtləri haqqında etibarlı və tam informasiyanı verməyi öhdəsinə götürür. Satıcı elanda göstərilmiş Mal haqqında informasiyanı yoxlamalı və səhv və ya natamam məlumatlar aşkar edildikdə, elandakı lazımlı məlumatları düzəltməli və ya tamamlamalıdır.

2.8.      Malı əks edən elanı yerləşdirərkən Satıcı həmin Mal barəsində elanda göstərilən hərəkətləri həyata keçirmək hüququna malik olduğuna zəmanət verir və bunu təsdiq edir.

2.9.    Satıcı, bütün patentlər, əmtəə nişanları, kommersiya sirləri, əqli mülkiyyət hüquqları da daxil olmaqla Mal, informasiya və məlumatlar üzərində bütün lazımi hüquqlara, lisenziyalara, icazələrə və ya üçüncü şəxslərin adlarının, təsvirlərinin və ya digər obyektlərinin istifadəsinə dair həmin şəxslərin müvafiq yazılı razılığına, lisenziyasına və ya icazəsinə sahib olduğuna dair zəmanət verir və bunu təsdiq edir.

Lisenziyalaşdırılmalı və ya digər icazələri alınmalı olan Mal təkliflərini əhatə edən elan verdikdə, lisenziyanın/icazənin nömrəsini və lisenziyanı/icazəni verən orqanın adını elanın mətnində qeyd etmək tələb olunur.

2.10.     Administrasiya Satıcıdan yerləşdirilmiş Mal haqqında əlavə məlumatı və/və ya Satıcı tərəfindən verilmiş məlumatları təsdiqləyən sənədləşməni tələb etmək hüququna malikdir. Administrasiya belə sənədləşmənin və ya informasiyanın verilməsinə qədər elanı dayandırmaq hüququna malikdir.

2.11.     Elanda Malın Satıcı tərəfindən göstərilmiş təsviri bu Malın satışı şərtlərini təşkil edir.

2.12.     Çatdırılma şərtləri elanda göstərilmiş Malın təsvirinə daxil edilməlidir.

2.13.     Elanda göstərilən Malın realizə şərtləri, eləcə də elanın digər şərtləri həm elanın yerləşdirilməsi anında, həm də gələcəkdə qüvvədə olan qanunvericiliyə və hazırkı Razılaşmaya zidd olmamalıdır.

2.14.     Satıcının Vebsaytda yerləşdirəcəyi Malların təsviri ilə həmin Malların cari vəziyyəti, görünüşü, statusu ilə eyni olmalıdır. Satıcı elanda yerləşdirilən təsvirlə eyni olan Malların Sifarişçiyə çatdırılmasına görə tam maddi məsuliyyət daşıyır.

2.15.     Elanda özündə satış, istifadə haqqında təklifləri və ya mallar və xidmətlər haqqında başqa informasiyanı saxlayan internet-saytların səhifələrinə istinadları qoymaq qadağandır.

2.16.     Hazırkı Razılaşmanın və ya üçüncü şəxsin hüquqlarını pozan məlumatın təqdim edilməsi Satıcıya qadağandır. Satıcı tərəfindən təqdim edilmiş məlumatlar (informasiya) və Satıcının Vebsaytdakı hərəkətləri:

2.16.1.        yanlış, qeyri-dəqiq və ya yanıldıcı olmamalıdır;

2.16.2.        vulqar və təhqiramiz ifadələrdən ibarət olmamalıdır;

2.16.3.        fırıldaqçılığa, aldatmağa və ya etibardan sui-istifadəyə yol verməməlidir;

2.16.4.        oğurluq və ya saxta əşyalarla əqdlərin bağlanmasına səbəb olmamalıdır;

2.16.5.        üçüncü şəxsin mülkiyyətini, onun kommersiya sirrinə yaxud onun şəxsi həyatının toxunulmazlığı hüququnu pozmamalı və ya bunlara qəsb etməməlidir;

2.16.6.        kimsənin şərəfini, ləyaqətini və ya işgüzar nüfuzunu təhqir edəcək məlumatlardan ibarət olmamalıdır;

2.16.7.        digər şəxslərin buna açıq-aşkar razılığı olmadan onlar haqqında şəxsi və ya eyniləşdirici məlumatlardan ibarət olmamalıdır;

2.16.8.        kiməsə qarşı böhtandan və təhdiddən ibarət olmamalıdır;

2.16.9.        cinayətin törədilməsinə təşviq etməməlidir;

2.16.10.      şirkətin xidmətləri ilə rəqabət aparan saytlar barədə istinadlardan və məlumatlardan ibarət olmamalıdır;

2.16.11.      konkret mal və ya xidmət təklif etməyən və yalnız reklam xarakterli olan materiallardan ibarət olmamalıdır;

2.16.12.      üçüncü şəxslərin əqli mülkiyyət hüquqlarını, vətəndaşın təsvir olunma hüququnu və üçüncü şəxslərin digər hüquqlarını pozmamalıdır;

2.16.13.      qüvvədə olan qanunvericiliyə dair digər pozuntulara yol verməməlidir.

2.17.     Satıcıya digər satıcıların adından çıxış etmək və onların adından ismarış yazmaq məqsədilə həmin satıcıların adlarına oxşar satıcı adlarından istifadə etmək qadağandır.

2.18.    Administrasiya elanları redaktə etmək, onları başqa rubrikalara köçürtmək, eləcə də qanunvericiliyə uyğun olaraq satıcıların elanlarında istənilən digər hərəkətləri həyata keçirtmək hüququna sahibdir.

2.19.     Administrasiya səbəbləri göstərmədən elanların yerləşdirilməsindən (nəşrindən) imtina etmək hüququna malikdir.

2.20.     Qüvvədə olan qanunvericiliyə əsasən Satıcı elanların (və ya Satıcı tərəfindən Vebsaytda yerləşdirilən digər məlumatların) məzmununa görə tam həcmdə və müstəsna məsuliyyət daşıyır.

2.21. Satıcı Sifarişçinin, yəni Malların Alıcısının ilkin tələbi ilə, Mallar təhvil verildikdən sonrakı ilk 14 gün ərzində Malların qaytarılmasını və/və ya dəyişdirilməsini təmin etməyi öhdəsinə götürür.

3. Administrasiya ilə Satıcı arasında hesablaşmalar

3.1.     Tərəflər razılaşırlar ki, Vebsayt vasitəsilə hər satılan Malın yekun satış dəyərinə uyğun olaraq aşağıdakı həcmdə komissiya (“Komissiya”) Administrasiyanın xeyrinə tutulmalıdır

0-19AZN – 18%

20-49AZN – 14%

50-99AZN – 13%

100-999AZN – 10%

1000 AZN-dən artıq – 7%

3.2. Vebsaytda yerləşdirilən, Sifarişçi tərəfindən ödənilmiş Malların dəyəri Administrasiyanın hesabına köçürülür.

3.3. bu Razılaşmanın 3.2-ci bəndində qeyd olunan ödənişlər Administrasiyanın hesabına köçürüldükdən sonra Administrasiya Komissiyanı həmin məbləğlərdən tutur və qalan məbləği Malların Sifarişçiyə təhvil verildiyi gündən 15 gün sonra Satıcının bank hesabına köçürür. Administrasiya bu maddədə qeyd olunan qalan məbləği Malların Sifarişçiyə təhvil verildiyi gündən sonra 15-ci gün ərzində, həmin gün qeyri-iş günlərinə təsadüf etməzsə, Satıcının bank hesabına köçürülməsi üçün bütün ciddi cəhdlərini təmin edəcəkdir.

4. Məsuliyyətin məhdudlaşdırılması 

4.1.      Vebsaytda Satıcı tərəfindən göstərilmiş bütün informasiya (o cümlədən şəxsi məlumatlar), Satıcı tərəfindən onun Malının satılması (realizasiyası) üçün yerləşdirilir. Satıcı mətnin daxil edilməsinin, məlumatların əlavə edilməsinin düzgünlüyünə və müvafiq formaların doldurulmasının düzgünlüyünə görə cavabdehdir.

4.2.      Özü haqqında informasiyanı yerləşdirərək, Satıcı anlayır və onunla razılaşır ki, belə informasiya Vebsaytda açıq girişdə yerləşdirilir, yəni tanış olma üçün istənilən müştəriyə və ya Vebsaytın digər satıcıları üçün əlçatandır.  

4.3.      Satıcı internet şəbəkəsində fırıldaqçılıqla bağlı bütün riskləri, o cümlədən, lakin bununla məhdudlaşmayaraq, elektron poçt ünvanının spam ismarıclarının göndərilmə siyahılarına keçməsi riski, elektron poçt ünvanının müxtəlif növ fırıldaqçıların əlinə keçməsi riski, telefon nömrəsinin SMS-spamerlərin və/və ya SMS fırıldaqçılarının əlinə keçməsi riski və bu cür məlumat yerləşdirilməsindən irəli gələn digər riskləri anlayır və onları öz üzərinə götürür.

4.4.      Administrasiya Mal ilə bağlı əqdlərin təşkilatçısı, habelə vasitəçi, alıcı və ya satıcı deyildir.

4.5.      Administrasiya Vebsaytın Satıcıləri tərəfindən sazişlərin bağlanmasına və icrasına (həyata keçirilməsinə), sazişlərin bağlanması nəticəsində vurulmuş ziyana, itmiş xeyirlərə, gəlirlərə, maliyyə zərərlərinə və ya vasitəli, faktiki, kənar və ya cərimə zərərlərinə, həmçinin hər hansı şəxsin qanunsuz əməlləri nəticəsində, görə məsuliyyət daşımır.

4.6.      Vebsaytın xidmətlərindən istifadə edib, Satıcı onunla öz razılığını təsdiqləyir ki, o Vebsaytdan məsuliyyəti öz üzərinə götürərək istifadə edir, Vebsaytda yerləşdirilmiş elanların istifadəsi ilə bağlı bütün riskləri daşıyır.

4.7.    Satıcılar tərəfindən elanlarda yerləşdirilmiş məlumatların doğruluğuna Administrasiya nəzarət edə bilmir.

4.8.     İstənilən iddialara dair Administrasiyanın ümumi məsuliyyəti qanunvericiliklə icazə verilən dərəcədə Vebsaytin xidmətlərindən istifadəsinə görə bu Razılaşmada nəzərdə tutulan Kommissiya ilə və ya (Vebsaytin mülahizəsinə görə) həmin xidmətlərin Satıcıyə yenidən təqdim edilməsi ilə məhdudlaşır.

4.9.     Satıcı razılaşır ki, Satıcınin və başqa Satıcıların və/və ya Vebsaytın müştəriləri arasındakı bütün mübahisələr (o cümlədən sazişlərin həyata keçirilməsi nəticəsində) Satıcı Administrasiyanı cəlb etmədən sərbəst həll edir.

4.10.     Satıcının hüquqları Vebsaytin digər Satıcısı tərəfindən pozulduqda (əqli mülkiyyət obyektinin qanunsuz istifadəsi və sair) hüquqları pozulmuş Satıcı müvafiq şikayət ilə Administrasiyaya və ya moderatorlarla müracitə edə bilər. Administrasiya şikayətə baxır və şikayət əsaslı olduğu halda Administrasiya Satıcının hüquqlarının pozulmasının qarşısını almaq üçün tədbirlər görmək hüququnu əldə edir.

4.11.     Tərəflər Müqavilə üzrə öz öhdəliklərini Müqavilə bağlandığı ana əvvəlcədən görə bilməyəcəyi qarşısıalınmaz qüvvə hallarına görə icra edə bilmədikdə belə öhdəliklərin gecikdirildiyi və ya pozulduğu həddə məsuliyyətdən azad olunur.

Belə hallara zəlzələ, daşqın, yanğın, digər təbii fəlakətlər, hərbi münaqişə və müdaxilələr, terror aktları, kütləvi iğtişaşlar, xalq çaxnaşmaları, tətillər, qanunvericilikdə dəyişikliklər, dövlət orqanları tərəfindən qərarlar, habelə Tərəflərin bu Müqavilənin şərtlərini yerinə yetirməsinə bilavasitə təsir edən digər hallar aiddir.

5. Razılaşmanın etibarlılıq müddəti

5.1.       Hazırkı Razılaşma Satıcının qeydiyyatdan keçməsi faktından və ya Vebsaytda elanın yerləşdirilməsindən asılı olmayaraq, Satıcı Vebsaytın xidmətlərindən istifadə etməyə başladığı andan etibarən qüvvəyə minir və Razılaşmanın etibarlılıq müddəti müddətsizdir.

5.2.       Satıcı, bu barədə Administrasiyaya əvvəlcədən xəbərdarlıq və səbəbini izah etmədən, Vebsaytdə qeydiyyatını birtərəfli qaydada ləğv etmək hüququna malikdir.

5.3.       Bu Razılaşmaya Administrasiya tərəfindən xitam verilməsi aşağıdakı hallarda baş verə bilər:

5.3.1.          Hazırkı Razılaşmanın və/və ya qanunvericiliyin şərtlərinin Satıcı tərəfindən pozulması, Vebsayta və ya Administrasiyaya, o cümlədən onun nüfuzuna hər hansı bir ziyanın vurulması;

6. Razılaşmaya dəyişikliklərin edilməsi

6.1.       Administrasiya tərəfindən bu Razılaşmaya birtərəfli qaydada dəyişikliklər və əlavələr edilə bilər. Razılaşmanın yeni redaksiyası Vebsaytda yerləşdirildiyi andan etibarən qüvvəyə minir.

7. Digər şərtlər

7.1.      Bütün mübahisələrə dair Azərbaycan Respublikasının qanunvericiliyi tətbiq edilir. 

7.2.      Razılaşmada heç nə Satıcı və Administrasiya arasında agent münasibətlərinin, Yoldaşlığın münasibətlərinin, birgə fəaliyyət üzrə münasibətlər, şəxsi işəgötürmənin münasibətlərinin, və ya Razılaşma ilə birbaşa nəzərdə tutulmamış hər hansı bir başqa münasibətlərin müəyyən edilməsi kimi anlaşıla və izah edilə bilməz.

7.3.      Məhkəmə tərəfindən Razılaşmanın hər hansı müddəasının etibarsız və ya məcburi icraya aid olmayan kimi tanınması Razılaşmanın başqa müddəalarının etibarsız olması ilə nəticələnmir.

Satıcı təsdiqləyir ki, hazırkı Razılaşmanın bütün bəndləri ilə tanış edilmişdir və onları sözsüz tam həcmdə qəbul edir.